Verhalen/gedichten van
Oldenzaal (Olnzel)

Veur al dee achterblieft

Mangs loop ik heanig oawer ’n es
Doar woar wie saamn zo vaak bint wes
Leg miene twiewels bie die neer
Zee an de locht of an ’t weer
Was doe wilst dat zal gebeuren
En veul ik da’k die nog kan heuren

As ik leas in diene oale beuk
Bin ik nog aait noar oons op zeuk
Heur ik dat leu proat oawer die
Dan veul ik mie zo greuts en blie
Mangs proat ik efkes teng’n die an
Of volg ik die zo wied a’t kan

Ik heur die proaten in de weend
Zee diene glimlach in een keend
Veul diene woarmte in de zun
En denk terug an hoo ’t begun
Zolang dat geveul d’r nog is
Wet ik ja wis das d’r nog bis

Robert Monninkhoff
Olnzel